വിഷുവം

 3 വൃത്തങ്ങൾ ഒന്നിച്ചു ചേർത്ത് വൃത്തമാലികയിൽ മറ്റൊരു രചന. ഓരോ വൃത്തത്തിൻ്റേയും ഛന്ദസ്സ് വലയത്തിൽ കൊടുത്തിരിക്കുന്നു.

വിഷുവം

ചൂടമരുന്നൊരു പാടവരമ്പിൽ

മേടമൊരുക്കിയ മോടികളായി

കൊന്നമലർക്കുല നിന്നുചിരിച്ചൂ

വന്നിളമാരുതനൊന്നു തലോടാൻ

കതിരിടുമലരിൻ തതി നിറയുകയായ്

കതിരവനിനിമേൽ പുതിയൊരു വിഷുവം

കത്തും വേനൽ ഭൂഹൃദയം കോർത്ത കിനാവിൽ

ചേർത്തിട്ടുള്ളോരോമനയാമുത്തമഭാവം

ഹൃത്തിന്നുള്ളിൽ വേരു പടർന്നാഴ്ത്തിയിറക്കി

പേർത്തും പേർത്തും കൊന്നമരം സത്തയുമൂറ്റി

മണ്ണിൻ സ്വപ്നം പൂക്കുവതോ കണ്ണിനുമുന്നിൽ

വർണ്ണക്കാഴ്ചയ്ക്കൊത്തു വരും സ്വർണ്ണനിറത്തിൽ 

വിണ്ണിൻ സൂനപ്പെയ്ത്തുതിരും പൂർണ്ണത പോലെ

പർണ്ണം മൂടും പൂക്കളുമായ്  പർണ്ണിയൊരുങ്ങി

വൃത്തമാലിക

പല്ലവി 

ഭം ഭഭഗം ഗുരു ചാരണഗീതം (തൃഷ്ടുപ്പ് 11) ദോദകം എന്നും പറയാം

അനുപല്ലവി 

നനഭന ലഗവും പ്രഹരണതിലകം (ശക്വരി 14)

ചരണം

നാലിൽ ഛിന്നം മത്യസഗം മത്തമയൂരം (അതിജഗതി 13)

പ്രാസം : അഷ്ടപ്രാസം